दिवाळी पाडवागीत: आज आनंद आसमंतात भरला

दिवाळी पाडवागीत: आज आनंद आसमंतात भरला

आज दिवाळी पाडवा. सकाळी आमच्या राणाप्रताप चौकात सारेगम फेम ज्ञानेश्वर मेश्राम यांच्यासमावेत सुरेल गाण्यांच्या मैफिलीचे आयोजन चातक गृपने केले होते. दमदार आवाजांच्या गायकांनी अन तडफदार वादकांनी एक वेगळीच अनुभूती दिली. अन त्या सुरांवर पाषाणाचेही मन डोलू लागले. गेल्या काही दिवसांपासून मनावर आलेली काजळी दुर झाली अन मग ते म्हणू लागले...............

आज आनंद आसमंतात भरला
जणू उधाण आलंय मनाला ||धृ||

मंगल तालावर धरला फेर
लाभले दिवसाला सुरेल सुर
वारा आनंदाची गातो गाणी
उत्साहाच्या लाटा येती सागराला
आज आनंद आसमंतात भरला ||१||

हाती धरता तेज दिव्यांचे
गेले निघून राज्य अंधाराचे
किरण सुर्याचे उतरूनी आले
उजळवून टाकती धरतीला
आज आनंद आसमंतात भरला ||२||

प्रभातीच्या समयी आले सुर अंगणी
नभानेही दिली साथ रंग उधळूनी
ताला सुरांच्या वैभवाने केली सुरूवात
शुभ मुहूर्तमेढ झाली दिवाळी पाडव्याला
आज आनंद आसमंतात भरला ||३||

- पाषाणभेद (दगडफोड्या)
०७/११/२०१० (दिवाळी पाडवा)