कोबीचे भजे

कोबीचे भजे

मैत्रीणींनो, कशा आहात सगळ्या? आधीच क्लिअर करते बाई की भजे, भजी नाहीत. भजे भजे भजे.

बहूतेक जणांना कांद्याचे भजे आवडतात. आता कांदा पडला तामसीक. आणि काही लग्न न झालेली मंडळी अन जैन गुजराती लोकं कांदा खात नाहीत. ते खात नाहीत अन इतरांनाही खाऊ देत नाहीत. 

अन कांदा महाग झाला तर आपल्या नवरोबांना अशा पावसाळी वातावरणात मस्त गरम गरम (गरमा गरम हा शब्द मराठी भैये बोलतात) भजे सायंकाळी कामावरून घरी आले की खाऊ घातले की त्यांना नंतरच्या कामाला हुरूप येईल.

मी पण काय बोलत बसले तुमच्याशी? माझे पाभे येतीलच कामावरून. चटचट कोबीचे भजे करायची पाककृती लिहीते अन मी देखील आमच्या यांचेसाठी कोबीचे भजे तयार करायला घेते. त्यांना कोबी फार आवडतो. अगदी फॅनच आहेत ते कोबीचे. मी त्यांना कोबीचे निरनिराळे पदार्थ नेहमी खाऊ घालते. त्यामुळे ते नेहमी उत्साही असतात. चला तर मग. लिहून घ्या कोबीचे भज्यांची पाककृती.

साहित्य (४-५ जणांसाठी):
कोबी (Cabbage) — १ मध्यम आकाराचे (सुमारे ३००-४०० ग्रॅम)
बेसन (Gram flour) — १.५ ते २ वाटी
तांदळाचे पीठ (ऐच्छिक, कुरकुरीत होण्यासाठी) — २-३ चमचे
हिरव्या मिरच्या — २-३ (बारीक चिरलेल्या)
आले-लसूण पेस्ट — १ चमचा (ऐच्छिक)
हळद — ½ चमचा
लाल तिखट — १ चमचा (किंवा आवडीप्रमाणे)
धने-जिरे पूड — १ चमचा
मीठ — चवीप्रमाणे
बेकिंग सोडा (ऐच्छिक, फुगण्यासाठी) — चिमूटभर
कोथिंबीर — २-३ चमचे (बारीक चिरलेली)
पाणी — गरजेनुसार (घट्ट बॅटर होईल एवढे)
तेल — तळण्यासाठी
कृती:
कोबी तयार करा: कोबी चांगली स्वच्छ धुवा. बारीक-बारीक किंवा मध्यम चिरा (जास्त बारीक चिरू नका, नाहीतर भजे नरम होतील).
मिश्रण तयार करा: एका मोठ्या भांड्यात चिरलेली कोबी, बेसन, तांदळाचे पीठ, हिरव्या मिरच्या, आले-लसूण पेस्ट, हळद, तिखट, धने-जिरे पूड, मीठ, कोथिंबीर आणि बेकिंग सोडा घाला.
बॅटर बनवा: हळूहळू पाणी घालत घट्ट बॅटर तयार करा. बॅटर खूप पातळ करू नका — कोबीवर चांगले चिकटेल एवढे घट्ट ठेवा. १०-१५ मिनिटे बाजूला ठेवा (मसाले चांगले भिजतील).
तळा: कढईत तेल गरम करा. मध्यम आचेवर चमच्याने किंवा हाताने छोटे-छोटे भजे सोडा. दोन्ही बाजूने सोनेरी रंग येईपर्यंत खमंग तळा.
सर्व्ह करा: गरमागरम कोबी भजे चहा, टोमॅटो सॉस किंवा हिरव्या चटणीसोबत सर्व्ह करा.
टिप्स:
भजे अधिक कुरकुरीत हवी असतील तर थोडेसे तांदळाचे पीठ किंवा रवा घाला.
कोबीमध्ये नैसर्गिक पाणी असते, त्यामुळे सुरुवातीला कमी पाणी घाला.
जास्त तिखट आवडत असेल तर हिरव्या मिरच्या वाढवा.
उरलेले भजे दुसऱ्या दिवशी ओव्हन किंवा एअरफ्रायरमध्ये क्रिस्पी करता येतील.

 

कसे वाटले कोबीचे भजे? नक्की सांगा.

 

तुमची आवडती

पाभी

बाटाट्याचे उपयोग

बाटाट्याचे उपयोग

स्वयंपाकघरात गाल फुगवून बसला होता बटाटा

अंगावरल्या डोळ्यांनी मला पाहत होता ||

माझ्याशी बोलायला लागला तो जेव्हा

खरे नाही वाटले मला तेव्हा

तुम्हालाही वाटेल मी सांगे हा प्रसंग खोटा ||

"

खाण्यामध्ये उपयोग माझे आहेत खूप मोठे

तरी तुम्ही का बोलतात डोक्यात आहे कांदे बटाटे

नाकाने सोलाल कांदे तर आहे तुमचाच

तोटा ||

कांद्याचे वाढले ना रे बाजारी भाव

चढ्या दराने गंजले सारे रंकराव

आता मला आला आहे मान मोठा ||

कधीही मी कामी येई जेव्हा नसे भाजी ताजी

कोणत्याही भाजीत मिसळून जाण्या मी राजी

बहुगुणी असा सगळ्या भाज्यांत शहाणा मोठा ||

माझी करा रस्सा भाजी सुकी भाजी मटार बटाटा भाजी

किंवा करा मिक्स भाजी नाहीतर पाव भाजी

कुकरमध्ये उकडून घ्या किंवा मेथी पालकात टाका ||

खिचडीत टाका बघा चव कशी छान न्यारी

वांगी बटाटा भाजी आवडीने खातात सारी

माझ्यासवे बनवा सार भाजी घेवून टमाटा ||

माझे बनवा वेफर्स, फिंगर चिप्स, काप कापून

छोटे उद्योग झालेत मोठे त्या साऱ्याला विकून

पिकवून शेतकरी व्यापारी हाती मोजती नोटा ||

"

इतक्यात घाईने आई आली स्वयंपाकघरात

प्रश्न विचारी आज काय देवू तुला डब्यात?

बटाटा कर मी म्हटले अन केला त्याला बाय बाय टाटा ||

- पाषाणभेद

०९/१२/२०१९

दुधपोहे

आंतरजालावर "दुधपोहे" (किंवा "दुध पोहे" ) असे शोधले असल्यास काहीच मिळाले नसल्याने ही पाककृती देत आहे.

तसे "दही पोहे" बनवतात पण त्यासाठी लागणारे जिन्नस जसे- दही, मसाला, कोथंबीर आदी बॅचलर असलेल्यांकडे उपलब्ध असेलच असे नाही.

झटपट नाश्टा बनवण्यासाठी व भुक भागविण्यासाठी दुधपोहे उत्त्तम पर्याय आहे.
(लहाणपणी 'मला काहीतरी खायला दे' असली माझी भुणभुण ऐकून माझी आई मला 'दुधपोहे' झटकन बनवून देत असे हे लख्ख आठवतेय! असो.)

जेव्हा तुम्ही घरी एकटे असतात व नाश्टा बनविण्याचा कंटाळा येतो तेव्हा दुधपोहे करणे फारच सोपे असते.

पाककृती:
१) मोठ्या आकाराच्या वाटीत कप-दिड कप दुध घ्या.


२) मुठभर पातळ पोहे त्यात टाका.


३) वरील दुधपोह्यांत चवीनुसार साखर घालून चमच्याने ढवळा. पोहे पातळ असल्याने लगेच एकजीव होतात.

दुधपोहे खाण्यासाठी तयार आहेत.
(फोटो आंतरजालावरून साभार)