विनंती धागा: कोबीची भाजी पहिल्यासारखी का दिसत नाही?

(ढिसक्लेमर: हा धागा लेखन करतांना कोणत्याही एआय टूल ची मदत घेतली नाही. स्वप्रेरणेने, स्वतःच्या बुद्धीने लेखन केले आहे.)

प्रती,

मिपा धागा संपादक मंडळ,

मिसळपाव.कॉम

महोदय,

माझे काल संध्याकाळी दोन लिहीलेले धागे डिलीट करण्यात आले आहेत. केवळ एक महिना सदस्य असलेल्या बाल सदस्याच्या पर्सनल मागणीला मान देण्यासाठी तुम्ही माझे दोन धागे डिलीट केले आहेत.

आता माझ्याकडे "कोबीची भाजी पहिल्यासारखी का दिसत नाही" अशा धाग्याच्या लेखनाचा कच्चा खर्डा तयार आहे. तुम्ही होकार दिला, अन धागा डिलीट करणार नसाल तर मी तो धागा पुन्हा प्रकाशित करू का? आपली परवानगी असेल तरच मी धागा प्रकाशित करेन.

कच्चा ड्राफ्ट खालीलप्रमाणे आहे.

"कोबीची भाजी पहिल्यासारखी का दिसत नाही.. नक्कीच संशोधनाचा विषय आहे" 

गेले कित्येक वर्षे मी कोबीची भाजी पाहत आहे.. १०१% टक्के रंगात फरक आहे.. नक्कीच काहीतरी वेगळे करत असावी. मेक अप क्रांती आणि त्याचा पहिला परिणाम होताना दिसत आहे तिच्याकडे बघितले तर... 

---

तरी वरील धागा प्रकाशित करण्याची आपण परवानगी द्यावी.

 आपली परवानगी असेल तरच मी धागा प्रकाशित करेन अन्यथा नाही.

 

कळावे,

आपला,

पाषाणभेद

(कृपया हा धागा कुणी एक महिना बाल सदस्याने पर्सनल सांगितले तरी डिलीट करू नये. कारण मी आपली परवानगी घेत आहे. अजून असे लेखन प्रकाशित केले नाही.)

फेसबुकवर एखाद्या सदस्याच्या प्रोफाइलला रिपोर्ट कसे कराल?

(हा मदतीचा धागा आहे. कोणत्याही एआयची मदत न घेता लेखन केले आहे.) 

फेसबुकवर एखाद्या सदस्याला (सदस्याच्या प्रोफाइलला) रिपोर्ट करण्यासाठी, संबंधित व्यक्तीच्या प्रोफाइलवर जाऊन तीन टिपांवर (three dots) क्लिक करा, "Find support or report profile" किंवा "Report" हा पर्याय निवडा, आणि त्यानंतर तुमच्या समस्येनुसार योग्य कारण निवडून ऑन-स्क्रीन सूचनांचे पालन करा.

फेसबुकवर सदस्याला रिपोर्ट करण्याची प्रक्रिया खालीलप्रमाणे आहे:

१. प्रोफाइल उघडा: तुम्हाला ज्या सदस्याला रिपोर्ट करायचे आहे, त्यांच्या प्रोफाइलवर जा. तुम्ही हे नाव सर्च करून किंवा त्यांच्या पोस्टवर/कमेंटवर नावावर क्लिक करून करू शकता.
२. पर्याय निवडा: प्रोफाइलच्या कव्हर फोटोच्या खाली किंवा नावाच्या बाजूला उजव्या कोपऱ्यात असलेल्या तीन टिपांवर (...) क्लिक करा.
३. रिपोर्ट वर टॅप करा: मेनूमधून "Find support or report profile" (मदत शोधा किंवा प्रोफाइलला रिपोर्ट करा) किंवा "Report" या पर्यायावर क्लिक करा.
४. कारण निवडा: तुम्हाला छेडछाड (Harassment), बनावट खाते (Fake Account), स्पॅम (Spam), किंवा अनुचित पोस्ट (Inappropriate posts) यांसारखे अनेक पर्याय दिसतील. तुमच्या परिस्थितीनुसार योग्य कारण निवडा.
५. पूर्ण करा: ऑन-स्क्रीन सूचनांचे पालन करून "Done" किंवा "Submit" वर क्लिक करा. तुमची तक्रार फेसबुक टीमकडे पाठवली जाईल व त्यानंतर त्यावर अंमलबजावणी होईल.

व्हाईट नॉईज काय आहे भाऊ? रात्रपाळी आणि झोप यासाठी उपयोगी.

मित्रांनो,

आपणापैकी बरेच जण नाईट शिप्ट करत असतील. नाईट शिप्टमुळे दिवसा आपल्याला झोपणे क्रमपाप्त, आवश्यक आहे. परंतु घरातील व्यक्ती, आजूबाजूचे लोकं हे सुद्धा आपल्याबरोबर नाईट शिप्ट करतात का? तर नाही.

जेव्हा जेव्हा आपण नाईट शिप्ट करुन आल्यानंतर दिवसा झोपतो त्या वेळी घरातील व्यक्ती, लहान मुले, आजूबाजूच्या घरी राहणारे व्यक्ती, कुटूंब हे त्यांचे दिवसाचे दिनक्रम व्यतीत करत असतात. जेव्हा आपण झोपतो, तेव्हा आपल्या आजूबाजूला इतर सारे आवाज येत असतात. कुणी टिव्ही पाहत असतो, वाहने जात असतात, लहान मुले खेळत असतात इत्यादीमुळे आपली झोप विस्कळीत होत असते. अशावेळी हा व्हाईट नॉईज आपल्या कामी येतो.

काय आहे व्हाईट नॉईज?
व्हाईट नॉईज हा असा कमी वारंवारतेचा (लो फ्रिक्वेन्सी) आवाज असतो जो इतर आवाजांना रोखतो (शिल्ड) करतो. तुम्ही हा लेख किंवा ईमेल वाचण्याआधीही तुमच्या घरात व्हाईट नॉईज वापरतच होते. पण त्यालाच व्हाईट नॉईज म्हणतात हे तुम्हाला कदाचित माहीत नसावे. घरातील पंख्याचा आवाज हा व्हाईट नॉईजचे उदाहरण आहे. कमी वारंवारतेचा हमींग साऊंड (लो फ्रिक्वेन्सी) जो सतत येत असतो तो व्हाईट नॉईज असतो.

व्हाईट नॉईजचा उपयोग कसा करायचा?
या फाईल्स जास्त मोठ्या असल्याने ईमेलमध्ये न देता इंटरनेटवर शेअर केल्या आहेत. या लिंकमधील झीप फाईलमध्ये व्हाईट नॉईजच्या फाईल्स आहेत. या फाईल्स डाऊनलोड करून एक्ट्राक्ट करा आणि तुमच्या स्मार्टफोनमध्ये सेव्ह करा. जेव्हा तुम्हाला झोपायचे आहे तेव्हा या फाईल्सपैकी कोणतीही एक ऑडीओ फाईल प्ले करा. तुमच्या कानांना सोसवेल इतपत मोबाईलचा आवाज वाढवा. सुरूवातीला एक दोन दिवस थोडेसे वेगळे वाटेल पण नंतर हळूहळू याची सवय होईल. यातील कोणत्याही आवाजाच्या फाईल्स साधारण दहा मिनीटे प्ले होतात. मोबाईलच्या ऑडीओ प्लेअरमध्ये केवळ एकच आवाज सतत प्ले (कन्टिन्यू प्ले) मोडमध्ये प्ले करा. या ऑडीओ फाईल्समध्ये अनेक आवाजांच्या फाईल्स आहेत, जसे - मुळचा व्हाईट नॉईज, फॅनचा आवाज, मोटर, पाऊस इत्यादी. व्यक्तीश: मला तरी 01WhiteNoise.mp3 या फाईलचा आवाज सुट झालेला आहे. व्यक्तीपरत्वे आवड निराळी असू शकते.

लक्षात ठेवा:
व्हाईट नॉईज तुम्ही तुमच्या खाजगी कामासाठी वापरत आहात. घरातील इतर कुणी व्यक्ती तुमच्यासोबत झोपत असतील तर कदाचीत त्यांना हा आवाज आवडणारदेखील नाही. त्यांनी या आवाजाबद्दल नावड दाखवली तर त्यांच्या इच्छेचा सन्मान करा आणि हा आवाज तात्पुरता बंद करा हि नम्र विनंती.

आणखी एक, या आवाजाच्याही खुप आहारी जावू नका. अति तेथे माती हि म्हण लक्षात ठेवा. जेव्हा जेव्हा तुम्हाला झोप घेणे अति आवश्यक आहे तेव्हा किंवा लाईट गेल्यावर पंखे बंद झाले तर या आवाजाचा उपयोग करा.

आपल्याला या माहितीचा कितपत उपयोग झाला ते आवर्जून कळवा.

आपला,
पाषाणभेद

मोटरसायकलची सरासरी धाव (अ‍ॅव्हरेज)

मोटरसायकलः बजाज बॉक्सर मॉडेल २००० चे, १०० cc
बर्‍याच दिवसापासून माझ्या मोटरसायकलची सरासरी धाव (अ‍ॅव्हरेज) काढायची होती. काल वेळ मिळाला म्हणून गॅरेजमध्ये गेलो. पेट्रोलचे कंटेनर घेतले अन गॅरेजवाल्याला सांगितले की मीच गाडी घेवून अ‍ॅव्हरेज तपासून बघतो. पहिल्यांदा कार्बोरेटरमधले पेट्रोल संपवण्यासाठी पेट्रोल कॉक बंद केला अन एखाद्या कि.मी. पर्यंत गाडी बंद झाली. आयटीआय सिग्नलच्या समोरच काही ट्रॅफीक हवालदार गाड्या अडवत होते. सरळ त्यांच्यासमोरच गाडी बंद झाली. मी गाडी स्टँडला लावली. कंटेनरची नळी इनलेट ला जोडली. पेट्रोल टँक मधून १०० ml पेट्रोल कंटेनर मध्ये काढले मिटरचे रिडींग ५२६.१ घेतले. मोटरसायकल एमाडीसीतून गाडी त्रंबकेश्वराच्या दिशेने चालवायला सुरूवात केली. साधारण ४० कि.मी. स्पिड ठेवायचा असे मनात होते. सातपुरला काही ट्रॅफीक लागले. गियर खाली आणावे लागले. एकदा पाय टेकवून गाडी दोन सेकंदाकरता उभी करावी लागली. त्रंबकविद्यामंदीराच्या ३००/ ३५० मिटर पुढे गाडी बंद झाली. त्यावेळचे ओडोमिटरचे रिडींग ५३५ होते. हे झाले ९ कि.मी. १०० ml साठी. म्हणजे एका लिटरला ९० कि.मी.

एका लिटरला ९० कि.मी. म्हणजे फारच चांगले अ‍ॅव्हरेज आले. मला वेळ होताच. म्हणून अजून पुढे जावून अ‍ॅव्हरेज बघण्याचे ठरविले. पाऊस पडत नव्हताच. म्हणजे पडून गेलेला होता. कारण पावसाळा असून त्रंबकेश्वराला पाऊस नाही असे सहसा होत नाही. सगळीकडे हिरवळ होती. त्रंबकेश्वरचा रस्ता तसा शांत असतो. भाविक लोकांच्या गाड्यांची वर्दळ चालू होती. त्रंबकेश्वराला श्रावणात जाण्याचा हिरवळ, पाऊस हा मोठा फायदा असतो.

परत कंटेनर उघडले अन त्यात टँकमधून १००ml पेट्रोल काढले. गाडी चालवायला सुरूवात केली. महिरावणीच्या थोडे पुढे कंटेनरमधले पेट्रोल संपले म्हणून गाडी बंद झाली. या वेळचे ओडोमिटरचे रिडींग ५४३ होते. म्हणजे ५३५-५४३=८ कि.मी. १०० ml साठी. म्हणजे एका लिटरला ८० कि.मी. यावेळी रस्ता थोडा चढावाचा होता म्हणून मला गाडी थोडी रेस करावी लागली. यावेळी थोडा स्पिड ४० ते ५५ कि.मीच्या दरम्यान होता.

आता मोटरसायकल रस्त्याच्या बाजूला घेतली. पुन्हा टँकमधून १००ml पेट्रोल कंटेनरमध्ये काढले अन नाशिकच्या दिशेने माघारी वळालो. आता रस्ता उताराचा होता. त्याचा फायदा घेत मी उतारावर इंजीन बंद करून चालवत असे. यामुळे नक्कीच अ‍ॅव्हरेज वाढ होणार होती. अ‍ॅव्हरेज काढतांना इंजीन तर चालूच पाहीजे. पण नक्की किती अ‍ॅव्हरेज वाढतो ते काढण्यासाठी मी हा प्रयोग करून पाहीला. तसेच या तिसर्‍या वेळी स्पिड सतत ४० वरच ठेवला.
त्रंबकविद्यामंदिराच्या थोडे पुढे मोटरसायकल बंद झाली. रिडींग आले: ५५३.३. म्हणजे ५४३-५५३=१०. म्हणजेच १ लिटरला १०० कि.मी.

लागोपाठ तिन वेळा अ‍ॅव्हरेज काढला त्याचा मध्ये (mean) ९० कि.मी. येतो. (९०+८०+१००/३=९०)

प्रत्येक १००ml पेट्रोल घेण्यात काही त्रूटी लक्षात घेवून, काही तांत्रीक बाबी, हवेचा वेग, मोटरसायकल चालवण्याची पद्धत आदी गोष्टी लक्षात घेवून आपण मिळालेला अ‍ॅव्हरेज आणखी कमी करू. ८५ किमी करू. ८० करू किंवा डोक्यावर पाणी गेले ७५ करू. म्हणजे एकुणच आताच्या घडीला मला चांगला अ‍ॅव्हरेज मिळाला होता.