प्रादेशिक बातम्या अन पंप्रनांचा परदेश दौरा

'प्रादेशिक' (Regional) म्हणजे एखाद्या विशिष्ट प्रदेश, क्षेत्र किंवा विभागाशी संबंधित. हा शब्द सामान्यतः भौगोलिक सीमा, स्थानिक संस्कृती किंवा ठराविक क्षेत्राच्या वैशिष्ट्यांचे वर्णन करण्यासाठी वापरला जातो.

सकाळी ७:१० वाजता आकाशवाणी पुणे केंद्रावर प्रादेशिक बातमीपत्र वाचल्या जाते. वरील व्याख्येनुसार साधारणपणे पुणे जिल्हा, विभाग किंवा महाराष्ट्र राज्यातील बातम्या असायला हव्यात हा आपला समज आहे. दुराव्याने एखादा व्यक्ती की जो महाराष्ट्राशी संबंधित आहे आणि तो इतरत्र असेल तर त्याची बातमी अपवादाने येऊ शकते हे समजू शकते.

पण पंतप्रधान मोदी परदेश दौर्यात जातात, दिल्लीत एखादा कार्यक्रम करतात, परराज्यात निवडणूकीची सभा घेतात, परराज्यात एखादे उद्घाटन करतात त्याची बातमी आकाशवाणीच्या पुणे केंद्रावरील प्रादेशिक बातमीपत्रात - ती देखिल विस्तृत एक ते दिड मिनीटांच्या वेळात, ते देखिल त्यांच्या आवाजाच्या बाईटमध्ये कशी येऊ शकते.

प्रादेशिक बातम्या अन मोदींचा परदेश दौरा यांचा परस्पर संबंध काय?

असलाच विषय वर्तमानपत्रातील पानभर महाराष्ट्र शासनाच्या जाहिरातींचा. त्यात मुमं, उपमुमं ( हे पद संविधानिक नाही) यांच्या फोटोंबरोबर मोदी यांचा फोटो असतो. काय संबंध मोदींचा?
उदा. पंजाब राज्यातील पानभर जाहिरातीत मोदींचा फोटो नसतो. का? पंबाबमधील राज्यसरकार मोदींचे नाही म्हणून ना? मग पंतप्रधान या नात्याने पंजाब सरकारच्या जाहिरातींत मोदींचा फोटो का नसावा?