Tuesday, May 4, 2010

कामगार आम्ही कामगार असतो

कामगार आम्ही कामगार असतो

कामगार आम्ही कामगार असतो
ठिणगी ठिणगी एक होतो
धमन्यातले रक्त जाळतो
मोठ्या आगीचे एकक असतो

कामगार आम्ही कामगार असतो
देशाच्या प्रगतीची ओळख असतो
वेगवेगळे हात एकवटतो
तुकड्यातुकड्यांचे एकसंध निर्मीतो

कामगार आम्ही कामगार असतो
श्रमांचे आम्ही मोल असतो
कपाळावरच्या भाग्यरेषांतूनी
घामाच्या नद्या वाहवतो

कामगार आम्ही कामगार असतो
भक्कम हातांच्या मुठी वळवतो
वज्रालाही पिघळवतो
मनगटासारखे कांबवतो

विश्वकुटूंबातील घटक असतो
भिन्न देश अन भाषा जरी असो
संकेतांना अनुसरतो
विचार कृतीत रुपांतरतो

अजस्र यंत्राचा एक भाग असतो
आम्ही हलतो, विश्व तोलतो
समुहाच्या नात्यातून
कामगारांतील माणूसपण जपतो

- पाषाणभेद (दगडफोड्या)
०१/०५/२०१०
जागतिक कामगारदिन

No comments: