Tuesday, May 11, 2010

हळू हळू...चालव तुझी फटफटी

हळू हळू...चालव तुझी फटफटी

तुझ्या मागे बसायची वाटत नाही भिती
तरीही तू हळू हळू...हळू हळू...हळू हळू
चालव तुझी फटफटी ||धृ||

घरी न बोलता आले निघून
केवळ तूझ्या सांगाव्या वरून
कॉलेजला जाते खोटं बोलता
घरी संशय न कसला आता
मोकळी झाले मी, न पाठी कटकटी ||१||

आता तू हळू हळू...हळू हळू...हळू हळू
चालव तुझी फटफटी

तोंड झाकले रुमालाने रे
न चेहेरा दिसे माझा कूणाला
बापही जरी आला समोरी
तो न ओळखी मला
आता घाई कशाला, नको त्या कसल्या लटपटी ||२||

म्हणून तू हळू हळू...हळू हळू...हळू हळू
चालव तुझी फटफटी

आडव्या तिरप्या रस्त्यांनी जावूनी
फिरव मला सारे गाव
ओळखीचे भेटले कुणी तर
ओळखलेच नाही असे दाव
त्यासाठी चिकटून बसले, हात असे तुझ्या कटी ||३||

अर्रे तू हळू हळू...हळू हळू...हळू हळू
चालव तुझी फटफटी

बागेमध्ये नसे एकांत
तसाच नसे बसस्टॉप एकांत
पिक्चरमध्ये तर गर्दीच फार
अन आजकाल मॉलही नसे शांत
तूझ्या मित्राकडेच जावू, रुम असे त्याची एकटी ||४||

तू हळू हळू...हळू हळू...हळू हळू
चालव तुझी फटफटी

ला ला ला ला...ला ला ला ला...
हुं हुं हुं हुं...हुं हुं हुं
ढिंग च्याक..ढिंग च्याक..ढिंग च्याक..ढिंग

- पाषाणभेद (दगडफोड्या)
०७/०५/२०१०

No comments: