दिस हा गेला रात चढली
कितीक बसावं सजून धजून
वाट पाहूनी डोळं थकलं
धनी माझं कसं येईना अजून ||धृ||
कितीक बसावं सजून धजून
वाट पाहूनी डोळं थकलं
धनी माझं कसं येईना अजून ||धृ||
रातीचा मी शिणगार केला
शेज सजवूनी गजरा माळला
शालू नेसूनी तयार झाले
कुंकू ल्याले भांगातून ||१||
धनी माझं कसं येईना अजून
सांगून गेलं आठदिस झालं
कुठं आसलं कुना ठावं
लवकर येतो म्हनलं होतं
लढाईतून परतून ||२||
धनी माझं कसं येईना अजून
कुठं आसलं कुना ठावं
लवकर येतो म्हनलं होतं
लढाईतून परतून ||२||
धनी माझं कसं येईना अजून
काळीज माझं चिमनी जसं
नाही काही थार्यावर
फोलपणा हा सजण्याचा
न जाई मनातून ||३||
धनी माझं कसं येईना अजून
- पाषाणभेद (दगडफोड्या)
३०/०४/२०१०
No comments:
Post a Comment