पोवाडा केदारनानांचा
(प्रस्तूत पोवाडा खाजगी असून त्याचा कुणाही जिवंत अथवा मृत व्यक्तीशी संबंध नाही. तसेच सोशल मेडीयावर तेथे नावे आलेल्या व्यक्ती असतीलच असे नाही. तसेच हा पोवाडा सोशल मेडीयावरील, तसेच प्रत्यक्षात अस्तित्वात असणार्या कुणाही व्यक्ती, समूह तसेच गटावर आधारीत नाही. केदार नाना ही काल्पनीक नाव असलेली व्यक्ती आहे. वरद कुलकर्णी ०७ या आयडी ने एक गीत लिहीण्यास आम्हास सांगीतले असता हा पोवाडा पुर्ण केला असे. यात उल्लेख आलेल्या कुणाही व्यक्तीची अन पाषाणभेद यांची भेट झालेली नाही.
शुद्धलेखन तपासले नाही त्याबद्दल क्षमस्व. वाचकांनी दुरूस्त्या सुचवाव्यात. तसेच वेळ कमी असल्याने अन आज रात्री शिप्ट १२ ला संपत आली असल्याने एकटाकी लिहीले आणि परिक्षण करण्यास वाव किंवा वेळ भेटला नाही, पुन्हा क्षमस्व.)
================================
पोवाडा केदारनानांचा
घेवूनी की-बोर्ड हाताला
नंतर स्मरून सोशल मेडीयाला
फेसबुक इन्स्टाग्राम ट्विटर लिंक्डईनला
तसेच आठवून टेलीग्रामला आठवू व्हाट्सअॅपला
शाहीर पाषाणभेद करतो पोवाड्याला
जी जी जी जी जी जी...
२०१९ च्या सालाला
मार्च महिन्याच्या तिसर्या आठवड्याला
२१ तारीख फाल्गुन मासाच्या पौर्णिमेला
अशा या शुभ मुहूर्ताला
कोल्हापूरचे केदार नाना निघाले ममुलूखगीरीला
शाहीर गातो कवन पोवाड्याला
जी जी जी जी जी जी...
शिवछत्रपतींच्या सैन्यात अनेक गुप्तहेर होते. त्या गुप्तहेर खात्याचे प्रमूख होते बहिर्जी नाईक.
(चाल बदलूनः)
राजा शिवछत्रपती असे थोर
तयांकडे होता एक गुप्तहेर
नाव तयाचे हो बहिर्जी नाईक
वेशभुषा बदलण्याचा पाईक
न ओळखू येण्याचा हातखंडा
स्वराज्यात गाजवला त्यांनी झेंडा
जी जी जी जी जी जी...
तर असे हे बहिर्जी नाईक. शत्रूच्या गोटात ते वेषभुषा बदलवून सहज मिळून मिसळून मिसळून जात अन आपली कामगीरी फत्ते करत.
(चाल बदलून:)
अश्या या बहिर्जी नाईकांचे
होते वंशज कोल्हापूरचे
केदारनाना नाव तयांना साचे
मोठे रुपगूणसंपन्न व्यक्तिमत्व
त्यांना न पाहिले कुणी
काढीला न फोटो कुणी
न भेटले कुणी परी दावीती ते अस्तित्व
(चाल बदलून:)
सोशल मेडीया साईट्सवर ते असती
व्हाटस अप टेलीग्राम ते हाताळती
अॅडमीन पदी ते काम करती
कित्येक गृप ते चालवीती
भविष्याप्रती त्यांची प्रिती
पण कुणालाच न ते भेटती
जी जी जी जी जी जी...
हे केदार नाना या भुतलावर अस्तित्वात असून देखील कुणालाच भेटले किंवा दिसले नव्हते.
व्हाटसअप वर कित्येकांनी पाठपुरावा केला
कित्येकांनी लावले फोन केदारनानांना बोलाया
परी उत्तर न देती केदारनाना तयांना
केवळ लिखीत संदेश धाडूनी
सांगती मीच तो केदार नाना सगळ्यांना
जी जी जी जी जी जी...
(चाल बदलूनः)
होता होता किर्ती तयांची पसरली....
होता होता किर्ती तयांची पसरली.
सर्व दिशांना ती गेली
सार्या मुलखाला गुप्त बातमी समजली
अवघ्या महाराष्ट्री गहजब जहाला
पश्चिम महाराष्ट्र चालूनी गेला
उत्तर महाराष्ट्र हादरला
जेव्हा केदारनानांनी नाशिक शहरावर मोहीमेचा बार उडवला
जी जी जी जी जी जी...
तर मंडळी, केदार नानांनी आपली गुप्त मोहीम नाशिक शहरावर स्वारी करण्याची आखली. पण कानोकान खबर फुटली अन ती बातमी सार्या महाराष्ट्राला समजली. जनतेत खळबळ माजली. आता या मोहीमेत कुणाची फत्ते होते याची उत्सूकता त्यांना लागली. कारण शत्रू कोण याची कुणालाच खात्री देता येत नव्हती. जो तो आपणच केदारनानांचे शत्रू असू अशी भिती बाळगून होते.
(चाल बदलून: )
ऐका ऐका श्रोते तुम्ही सज्जन
बसा सत्वरी कान देवून
शाहीर पाषाणभेदाचे कवन
श्रवण करा मन प्रसन्न ठेवून
केदारनानांचा पराक्रम
पुढल्या पिढीसाठी लक्षात ठेवा सारे जण
जी जी जी जी जी जी...
२०१९ च्या सालातली
मार्च महिन्यातली
तिसर्या आठवड्यातली
२१ तारीख फाल्गुन मासातली
नानांनी हाती धरली
मोहीम सुरू केली
नाशकावर स्वारी केली
मजल दलमजल करूनी
निघाले कोल्हापूरवरूनी
वेषभुषा बदलूनी
न ओळखू ये ते जनतेला
असा हा खंदा नाना लाभला महाराष्ट्राला
जी जी जी जी जी जी...
या मोहीमेचे सारस्थ्य स्वतः केदार नाना वेष बदलून करत होते. कधी सेल्समनच्या वेषात, कधी बिजनेसमन तर कधी उसउत्पादक शेतकरी अशा या बदलत्या वेषात ते नाशिक नगरीकडे आगेकूच करत होते.
कोल्हापूरहून नाना निघाले
नाना आले कराडला
कराडहून नाना निघाले
नाना आले सातार्याला
सातार्याहून नाना निघाले
नाना आले पुण्याला
दलमजल करत, एक एक गावाचे सोशल मेडीयावरील तरूण, जीओ नेटवर्कवरील मावळे, नोकर्या शोधाणारे बेरोजगार यांना नाना हे आपल्या निरनिराळ्या व्हाटस अप गृपमध्ये घेवून मांडलीक बनवत निघाले होते. केदार नानांची गृप बनवण्याची भूक आता बकासूराप्रमाणे वाढली होती. नाशिकमधल्या मोहीमेमध्ये जो जो येईल त्याला आपल्या गृपमध्ये नाना घेत निघाले.
नानांचे गृप ते कितीक
मिळून मिसळून हा एक
तंत्रजगत हा एक
विनोद विज्ञानातले असे एक
अजून असतील कितीक
न माहीत कित्येक जणांस
टेलीग्रामवर तर गृप अगणीत
जी जी जी जी जी जी...
नानांच्या सैन्यातील टोळ्यांमधल्या सरदारांची नावे तर चकीत करणारी होती. त्यांची जंत्री तर पहा:
एक होते अबीर कुलकर्णी
दुसरे नादखुळा कुलकर्णी
ईश्वरदार आणीक होते
आणीक खेडूत होते
अरिंजय होते चंदात्रे
मंचरचे होते डॉ. दाते
पाषाणभेद त्यात होता
त्यात शंकासूरही होता
होता तयांच्या सैन्यामध्ये गामा पैलवान
तसाच होता युएईचा होता कुंदन
जीर हा जी र हा जी जी जी जी जी
लई भारी होता पुण्याचा
बाबा हर्षल होता मुंबईचा
सानपाड्याचे वाघेकाका
अन दुर्गविहारी कराडचा
कुलदादा आले होते नागपूरवरून
तयांना मिळाले गॅरी ट्रूमन
गोविंद पाटील होते एक फोटोवाले
श्रीगुरूजी अन आप्पा पुण्याहून आले
जीर हा जी र हा जी जी जी जी जी
तर मंडळी अशी अनेक ज्ञात अज्ञात मंडली केदार नानांना मिळत होती. या सर्वांची व्यवस्था केदारनाना जातीने पाहत असत. सैन्यात त्यांची शिस्त होती. कुणीही अवांतर बोललेले, लिहीलेले त्यांना चालत नसे. म्हणून केदारनानांनी त्यांचे नाव "उपयोजक" असे करवून घेतले. त्यासाठी श्रीगुरूजी यांना उपाख्य करवून त्यांचेकडून पुजा करवून घेतली.
पुण्यापुढे मंचरला केदारनानांनी वेश बदलला
डॉ. दातेंना समोर त्यांनी काळा बुरखा घातला
डॉ. दातेंनी मग त्या बुरख्याला भोक पाडले
अन त्या भोकातूनी नानांना निरा पेय पाजले
जीर हा जी र हा जी जी जी जी जी
का असे डॉक्टरांनी केले कुणा नच ठावे
केदारनानांनीही मग ते कुणास का सांगावे?
जीर हा जी र हा जी जी जी जी जी
संगमनेर सिन्नर करून नाना पोहोचले नाशिक मध्ये
नाशिकमध्ये येवूनी ते फिरती गल्ल्यांमध्ये
वाडे पाहती पाट्या पाहती पाहती गोदावरीला
फोटो काढती मंदीरांचे अन वाजवीती घंटांना
असे हे नाना का आले नाशिकला कुणा नच ठावे
परी आम्हास कळले की ते वधू परिक्षेला आले
जीर हा जी र हा जी जी जी जी जी
(चाल बदलूनः)
असे हे केदार नाना
आ आ आ आ आ आ आ आआआ.......
असे हे केदार नाना
आता तुम्हीच पहाना
निघाले कोल्हापुरवरूनी
न दिसता कुणा
गेले नाशकात वधू परूक्षूनी
जीर हा जी र हा जी जी जी जी जी
विरांचा पोवाडा
विरांनी लिहावा
विरांनी बोलावा
विरांनी ऐकावा
विरांनी मनात साठवावा
अन पुढच्या विरांना ऐकवावा
असा हा पोवाडा केदारनाना या विराचा
रात्रीचे समयी बारा वाजतांना
एप्रिल मासाच्या चार तारखेला
२०१९ सालाला
नाशिक मुक्कामाला
शाहीर पाषाणभेद पुर्ण करी पोवाड्याला
जीर हा जी र हा जी जी जी जी जी
जयस्तू ||
- शाहीर पाषाणभेद
०४/०४/२०१९
