कंपनीगीत (आस्थापनागीत): ईएसडीएस है परिवार हमारा

कंपनीगीत (आस्थापनागीत): ईएसडीएस है परिवार हमारा

ईएसडीएस है परिवार हमारा
मेहनत करना है जिसका नारा ||धृ||

आसमाँ कितनाही काला हो
कोहरा कितनाही छाया हो
रास्ता हम निकालते है
बदल देते है सारा नजारा
ईएसडीएस है परिवार हमारा ||१||

नयी तकनीकें हम लाते है
उनको हम आजमाते है
राहमें कितनेही पडे रोडा
एकही मुठ्ठी से ढेर करेंगे सारा
ईएसडीएस है परिवार हमारा ||२||

एक है हम, न होंगे अलग कभी
अलग है राहे, मंजील एक है फिरभी
अमृतकण चखते चखते
उन्नती साधे चले हम मस्त आवारा
ईएसडीएस है परिवार हमारा ||३||

इस धरतीसे कभी हम जुदा न होंगे
उससे जो लिया वह सुदसहीत लौटाएंगे
पर्यावरण रक्षा का वचन निभाते
धरतीको रखेंगे सदा हराभरा
ईएसडीएस है परिवार हमारा ||४||

- पाषाणभेद (दगडफोड्या)
२४/१०/२०१०

गीत : सूर आज माझे का अबोल झाले

सूर आज माझे का अबोल झाले

आसवांच्या पुरात डोळे पुरे न्हाले

सूर आज माझे का अबोल झाले ||धृ||

माझ्या हृदयीच्या छेडूनी सप्त तारा

आरोह अवरोहा संगे चाले मन भरारा

असलेच कितीक राग नित्य नवे ऐकले ||१||

झंकारूनी स्वरांना घेवूनी रोज ताना

ओठी माझ्या येई फुलोनी नवा तराणा

कसले आता गाणे कसले नवे तराणे ||२||

मैफलीत माझ्या कधी मालकंस आला


वसंतापरी मला तो मल्हार भेटूनी गेला

मी रागदारी गाता शेवटी भैरवीच झाले ||३||

आसवांच्या पुरात डोळे पुरे न्हाले

सूर आज माझे का अबोल झाले ||धृ||

- पाषाणभेद

१७/०७/२०१०

कव्वाली : अशी ग कशी सोडूनी जाते तू मला

कव्वाली : अशी ग कशी सोडूनी जाते तू मला

अशी ग कशी सोडूनी जाते तू मला | करू मी काय विचारू कसे मी तूला ||धृ||

वाटे जीवन आता हे सारे आले संपुष्टात | नश्वर शरीर हे आत्मा कसा राहील त्यात

सांभाळू काय कसे मला न समजेना | शेवटचे भेट मला हे ही बोलवेना ||१||

कधी काळी आठवण जरी माझी आली | नकोस भेटू कसे म्हणू मी त्या वेळी

हुरहुर लागे नेहमी माझ्या जीवा | आठवणी जुन्या साधती कावा ||२||

पावसाचे थेंब जेव्हा सोडतात मेघांना | हुरहुर लागते तेव्हा त्यांना

तशीच हुरहुर लागली मला तेव्हा | सोडून गेलीस जेव्हा तू मला ||३||

जरी थेंब साथ ढगांची सोडती | ढगांचे सुख एकच की थेंब पिकवतील शेती

तसाच मी ही आहे ढगांसारखा | सुखी होशील तू फुलव संसार दुसर्‍याचा ||४||

तुझे ते हसणे अन लाघवी बोलणे | आठवते ते तुझे खिडकीतले उभे रहाणे

जेव्हा आता मी जातो घरावरून तुझ्या | खिंडार पडे काळजातल्या घरात माझ्या ||५||

का करित होती चाळे केसांच्या बटांशी | का कवटाळी दिलेला गुलाब उराशी

का केला होता तू खुणेचा इशारा | का केला होता माझ्या नावाचा पुकारा ||६||

असेल जेथे तू तेथे सुखी रहा | माझ्या मनाला समजावीतो पहा

म्हणून सांगतो मी तुम्हाला| प्रेम केले तर न्या ते शेवटाला ||६||

अशी ग कशी सोडूनी जाते तू मला | करू मी काय विचारू कसे मी तूला ||धृ||

- पाषाणभेद (दगडफोड्या)

१५/०७/२०१०

स्वप्नी माझ्या आलीस तू

स्वप्नी माझ्या आलीस तू

हळूच हसून लाजलीस तू

कितीक दिसांनी झोप आली मला

जागेपणी विसरलो जगाला

न दिसे दुसरे काही

दिसशी मजला तू

रात्र माझी धुंदीत आली

वेड्या मनाला समाजावून गेली

स्वप्नाच्या वाटेने जातांना


वाटेत भेटलीस तू

होईल माझे स्वप्न का खरे

भेटून सगळे सांग मला बरे

विसरू नको आता काही

प्रितीचे शब्द बोल तू

- पाषाणभेद (दगडफोड्या)

१४/०७/२०१०

सीमालढागीतः भिऊ नको मराठी जना

सीमालढागीतः भिऊ नको मराठी जना

भिऊ नको मराठी जना, काय तूझा गुन्हा
राहीला सीमाभागी
वेळ काढ जराशी जरा, येशील महाराष्ट्री पुन्हा
चाल कर मोर्च्यात अग्रभागी ||धृ||

दिलेत भरपूर लढे, रक्ताचे पडले सडे
विचार नको करू, नको मनामधे झुरू
समजू नको अभागी
चाल कर मोर्च्यात अग्रभागी ||१||

आम्ही जोर जुलूम तोडू, कन्नडीगांची कंबर मोडू
अन्यायाला वाचा फोडू, सीमाभाग महाराष्ट्रा जोडू
जरी लाठ्या डोक्यास लागी
चाल कर मोर्च्यात अग्रभागी ||२||

जय महाराष्ट्र बोलू बोल, मराठीचे उपकार अनमोल
झालो मोठे त्याच धरतीवर, पांग फेडू झेलू गोळ्या छातीवर
चाल पुढे मागे नको फिरू
पाऊल टाक वेगी
चाल कर मोर्च्यात अग्रभागी ||३||

- पाषाणभेद (दगडफोड्या)
१३/०७/२०१०

बेळगावी मराठी बांधवांवर हल्ला: सीमावासीयांनो आमचा तुम्हाला पाठिंबा आहे

काल दि. १२ जुलै २०१० रोजी बेळगाव शहरात सीमावासीयांनी मराठीचा झेंडा फडकावत बेळगावात उत्स्फूर्तपणे काढलेल्या मोर्चावर कर्नाटक सरकारने अमानुष लाठीमार केला. शांततेने चालणार्‍या मोर्चावर अचानक लाठीमार करून सीमावासीयांच्या भावना कर्नाटकी सरकारने पायदळी तुडवल्या. म्हातार्‍या कोतार्‍या माणसांनाही पोलीसांनी सोडले नाही. केंद्रसरकारला अजून किती वेळा लाठीमार व सीमावासीयांचे बळी हवेत? न्याय्य मागण्यांना न्याय मिळेल की नाही? सीमाबांधवांनो, तुम्ही एकटे समजू नका. आमचा तुम्हाला पाठिंबा आहे.

http://www.saamana.com/2010/July/13/Link/Main1.htm
http://72.78.249.124/esakal/20100712/4667969515589123216.htm
http://epaper.pudhari.com/epapermain.aspx
http://epaper.prahaar.in/
http://maharashtratimes.indiatimes.com/articleshow/6161109.cms
http://www.loksatta.com/index.php?option=com_content&view=article&id=853...
http://onlinenews1.lokmat.com/staticpages/editions/today/main/MainEditio...

हिंदी गीत: तेरे प्यार का रस मुझे पिलाईदे

हिंदी गीत: तेरे प्यार का रस मुझे पिलाईदे

तेरे प्यार का रस मुझे पिलाईदे
ओ गोरी...
तेरे बापू का जमाई मुझे बनाईदे ||धृ||

सुबह सुबह आता हूं मै तेरे द्वारे
पागल समझते है घरके लोग सारे
इसी बातको तू
ओ गोरी...
इसी बातको तू
गोरी सबको समझादे
तेरे प्यार का रस मुझे पिलाईदे ||१||

कोई क्या जाने चक्कर तेरा क्या है
तुझे देखतेही
ओ गोरी...
तुझे देखतेही
आंख फडफडाये
राम करे मेरी सजनी मुझे मिलाईदे
तेरे प्यार का रस मुझे पिलाईदे ||२||

दिनभर ना काम करूं ना कुछ खांवू
बस तेरे नाम की
ओ गोरी...
बस तेरे नाम की
रट लगाता हूं
एकबार अपने शादी के लड्डू खिलाईदे
तेरे प्यार का रस मुझे पिलाईदे ||३||

तेरे प्यार का रस मुझे पिलाईदे
ओ गोरी...
तेरे बापू का जमाई मुझे बनाईदे ||धृ||

- पाषाणभेद (दगडफोड्या)
१३/१०/२०१०

प्रितीचा वृक्ष जेव्हा बहरला

प्रितीचा वृक्ष जेव्हा बहरला

प्रितीचा वृक्ष जेव्हा बहरला
किती वेचली फुले ओंजळ भरून
आताच का लागली पानगळ
शिशिर ऋतू का आला हेमंत सरून
हरदिनी तुझी वाट बघणे
वेळ लागतो म्हणूनी रूसणे
येतील का आठवणी कधी परतून
शिशिर ऋतू का आला हेमंत सरून

मज आठवे ओंजळ फुलांची
घट्ट केलेल्या दोन करांची
तीच निष्प्राण फुले बघते आता वहीतून
शिशिर ऋतू का आला हेमंत सरून

धुक्यात एकदा गेलो पहाटे
फिरावयास दोघे शालीत एकटे
हाती हात धरता उब मिळाली स्पर्शातून
शिशिर ऋतू का आला हेमंत सरून

भारलेले क्षण आले मोहाचे
ताब्यात नव्हते ओझे मनाचे
सुख दिले घेतले डोळे मिटून
शिशिर ऋतू का आला हेमंत सरून

शपथ घेतली दुर न जावू
तीच तोडली दुर तू जावून
वाट बघणे सोडले, जाते आता इथून
शिशिर ऋतू का आला हेमंत सरून

- पाषाणभेद (दगडफोड्या)
०८/०७/२०१०

शेतकरी गीत : काळ्या काळ्या मातीमधी पिकलंया सोनं

शेतकरी गीत : काळ्या काळ्या मातीमधी पिकलंया सोनं

काळ्या काळ्या मातीमधी पिकलंया सोनं
शिवार हे फुललं सारं हिरवं झालं रान ||धृ||
औंदाच्याला बरसला बरसला पानी
मातीचा सुवास आला गर्द हिरव्या रानी
पळापळी करतात खोंडं माजेल ओलं वारं पिऊन
शिवार हे फुललं सारं हिरवं झालं रान ||१||

विहीरीच्या पान्यामंदी चाले मोटर तासंतास
पाटामधून पानी जाई खालच्या शेतास
वखरणी करतात बैलं वैरण खावून
शिवार हे फुललं सारं हिरवं झालं रान ||२||

डोईवर पदर हिरवी साडी लेवून
कारभारणी येईल आता न्याहारी घेवून
घाम गाळून कामं करतो हाती येवूदे धन
शिवार हे फुललं सारं हिरवं झालं रान ||३||

शेतकरी बळीराजा झाला पोरगा धरतीला
अन्नधान्य पिकवून देई आधार देशाला
कणगीत धान्य भरू दे देवा नको काढाया ऋण
शिवार हे फुललं सारं हिरवं झालं रान ||४||

- पाषाणभेद (दगडफोड्या)
०७/०७/२०१०