मोदी सरकारने पाचशे हजाराची नोट बंद केली

मोदी सरकारने पाचशे हजाराची नोट बंद केली

सांगा तुम्ही मला कशी जावू मी आता बाजारी 

सांगा तुम्ही मला कशी जावू मी आता बाजारी

या मोदी सरकारने, या तुमच्या मोदी सरकारने 

या या मोदी सरकारने 

पाचशे हजाराची नोट बंद केली             ||धॄ||

मार्केटात आता आल्या नव्या नव्या साड्या

घेण्यासाठी आम्हा सार्‍यांच्या पडतात उड्या

लेटेस्ट फॅशन करायची आता पंचाईत झाली

मोदी सरकारने पाचशे हजाराची नोट बंद केली

या या मोदी सरकारने 

पाचशे हजाराची नोट बंद केली              ||१|| 

भाजी पाला घेण्यासाठी मी गेले मार्कॅटात 

मोठ्या नोटा सोडून सार्‍या सुट्टे पैसे नव्हते हातात

दररोजच्या जेवणाचीही पहा कशी चव गेली

मोदी सरकारने पाचशे हजाराची नोट बंद केली   ||२||

बँकेमध्ये नोटा बदलायला भली मोठी लाईन

लाखो रूपये भरले तर इन्कमटॅक्स फाईन

एटीएम झाले बंद पर्स माझी रिकामी केली

मोदी सरकारने पाचशे हजाराची नोट बंद केली   ||३||

हे मात्र छान झाले काळा पैसा बाहेर आला

भ्रष्ट्राचार लाचखोरीचा एक मार्ग बंद झाला

ह्या उपायांनी धनदांडग्यांची दातखीळ बसली

मोदी सरकारने पाचशे हजाराची नोट बंद केली

या या मोदी सरकारने 

पाचशे हजाराची नोट बंद केली            ||४||

- पाषाणभेद

आखाजीचा सण

गवराईचा सन आला गवराईचा सन आला
या ग सयांनो पुजू तिला या ग सयांनो पुजू तिला

सयांनो ग सयांनो या या तुम्ही सार्‍या या
झोका झाडाला टांगला त्याला तुम्ही झोका द्या

आता आला आला वारा झोक्याला तो झुलवितो
आखाजीच्या सनाला ग माहेराला सुखवीतो

माहेराच्या आंगणात आंबा पहा मोहरला
पानोपानी त्याच्या आता कैर्‍या लगडल्या

कैरी हाले कैरी डुले वार्‍यासंगे मागेपुढे
हेलकाव्याने कैरी तुटे तुटूनीया खाली पडे
मायबापभावाच्या डोळ्याला ग पानी सुटे

नको माय तू ग रडू तुझ्या ग कैरीपाई
कैरी आता तुझी नाही कैरी आता तुझी नाही

- पाभे

आखाजीना सन

खान्देशी लेकी आखाजीच्या सणाला माहेराला येतात अन काय गीत म्हणतात पहा -

नदीनं पानी वाहे झुळूझुळू वाहे झुळूझुळू
चला त्यानामा आंगूळ करू आंगूळ करू

माहेरवास्नी सार्‍या उनात उनात ( उनात = आल्यात)
झोका टांगेल शे दारात

आंबानं पान हिरवंगार
झोका जावूदे जोरदार

गवराई चला वं मांडूया
पुजा तिन्ही करूया

आखाजीना सन शे
माहेराला बरकत दे

माय वं माय वं तुन्ह्या लेकीस्ले
सासर मधार सुख दे