Sunday, May 17, 2009

चांदरात

चांदरात


हळुवार केसांतुन फिरव तू हात || ध्रु ||


तू स्पर्श करता जगा मी विसरले
मी हरले अन मीच जिंकले
न कळे मला कुणी कुणावर केली मात || १ ||

हळुवार केसांतुन फिरव तू हात || ध्रु ||


मंचकावर मी बसले कळ सोसते मुश्कील
आपल्याच दुनियेमध्ये असती आपण मश्गुल
दिवेही पेंगुळले चढत चालली चांदरात || २ ||

हळुवार केसांतुन फिरव तू हात || ध्रु ||


वारा पडला पडदेही पडले
रस रंग गंधही धुंद जहाले
कालची मी वेडी जणू आज टाकली मी कात || ३ ||
हळुवार केसांतुन फिरव तू हात || ध्रु ||
२/१/१९९८

No comments: